གཉའ་ཁྲི་བཙན་པོ།
༡༥༽ སྤྱི་ལོ་སྔོན་གྱི་དུས་རབས་བཞི་བཅུ་ཙམ་ནས། གནོད་སྦྱིན་ནག་པོ་སོགས་ཚོ་དཔོན་མང་པོ་བྱུང་ཞིང་ཕན་ཚུན་འཁྲུག་རྩོད་བསྟུད་མར་བྱུང༌། དེ་ནས་ཟ་རིད་བུ་སྤུན་དྲུག་ཅེས་པས་རྟ་བཏུལ་ནས་རྟ་དམག་བསྡུས།
༡༦༽ ཟ་རིད་བུ་སྤུན་དྲུག་གིས། ཡུལ་ལུང་ཀུན་ནས་རྟ་དམག་མང་པོ་བསྡུས་ཏེ་ཚོ་བ་གཞན་ཐོག་དམག་དྲངས་པས་ཀུན་གྱིས་འགྲན་པར་མ་བཟོད་པར་རྗེ་པོར་བཀུར་ཏེ། ཡུལ་གྱི་མིང་ལ་སྟོང་སྡེ་བཅོ་བརྒྱད་ཅེས་གྲགས།
༡༧༽ འོན་ཀྱང༌། དུས་ཡུན་གང་ཙམ་སོང་རྗེས། སྟོང་སྡེ་བཅོ་བརྒྱད་ཀྱི་ནང་ཁུལ་དུ་འཁྲུག་རྩོད་བྱུང་བའི་དབང་གིས་རྒྱལ་ཕྲན་སིལ་མ་བཅུ་གཉིས་སོགས་སུ་གྱུར།
༡༨༽ སྤྱི་ལོ་སྔོན་གྱི་དུས་རབས་གཉིས་པའི་ནང༌། སྤུ་བོའི་ཡུལ་ན། བོན་དད་ཆེ་ལ་དཔའ་མཛངས་ལྡན་པའི་ཚོ་དཔོན་ཡབ་ལྷ་བདལ་དྲུག་གི་རྒྱུད་ཐེ་རང་མང་སྙ་ཞེས་པ་དང་མོ་བཙུན་ཟེར་བའི་བཟའ་ཚོ་བུ་བརྒྱད་ཀྱིས་བསྐོར་བ་ཞིག་ཡོད།
༡༩༽ ཉིན་ཞིག མོ་བཙུན་ལ་སླར་ཡང༌། མིག་བྱ་མིག་ལྟར་ཡར་འགེབས་པ་དང༌། སྐྲ་ཁམ་པ། སྨིན་མ་གཡུ་མདོག སོ་དུང་སོ་འཁོར་བ། ལག་པ་ངང་པའི་རྐང་པ་ལྟ་བུའི་སྲས་ངོ་མཚར་ཅན་ཞིག་སྐྱེས།
For the audio files